Greenland Airports attaveqaqatigiinnermut siunnersortimik misilittagalimmik pissarsiorpoq 1. august 2026 atorfinittussamik imaluunniit isumaqatigiissuteqarnikkut.
Piffissami pissanganartumiippugut, nunani tamalaani soqutigineqarnerulernerup aammalu mittarfiutitsinnut inuiaqatigiinnit annertuumik soqutiginninnerup nalaani. Taamaattumik attaveqaqatigiinnermut immikkut piginnaasalimmik pissarsiorpugut, tusagassiuutinut sullissineq, attaveqaqatigiinnermut periusissiat, inuit attaveqaataatigut attaveqaqatigiinneq aammalu suliffeqarfiup iluani attaveqaqatigiinneq akornanni pitsaasumik ingerlaarsinnaasumik.
Attaveqaqatigiinnermut immikkoortortaqarfimmi suleqataalissaatit, suleqatigiilluarluta assigiinngitsunillu suliassanik ataatsimoorluta ingerlatsivigisatsinni. Taamaattumik suleqatissarsiorpugut periusissiornermik eqqarsarsinnaasumik aammalu nammineq isumassarsiat piviusunngortinnissaannut nuannarisalimmik. Sammisat pisariusut paasiuminartumik attaveqaqatigiinninngortinnissaat nuannarissavat, kiisalu tusagassiuutinut sullissineq imarisassanillu ineriartortitsineq misilittagaqarfigissavat.
Peqatigitillugu suliffeqarfimmi inuiaqatigiinnut pingaaruteqartumi sulilissaatit, tassanilu sulisut, ilaasut, suleqatit, oqartussaasut, tusagassiorfiit innuttaasullu attaveqarfigineranni attaveqaqatigiinneq pingaarutilimmik inissisimavoq.
Suliassatit
Attaveqaqatigiinnermut siunnersortitut Greenland Airports-ip attaveqaqatigiinnerata tusaamaneqarneratalu nukittorsarnissaanut pingaarutilimmik suleqataalissaatit.
Suliassat ilaatigut makkuussapput:
- Tusagassiuutinut saaffiginnissutinik sullissineq ataqatigiissaarinerlu
- Tusagassiutinut nalunaarutinik, paasissutissanik tunuliaqutaasunik kiisalu attaveqaqatigiinnermut atortussanik suliaqarnissaq
- Suliffeqarfiup iluani oqaluttuarisassanik nassaarniarneq ineriartortitsinerlu
- Facebookimut, LinkedInimut, Instagramimut, airports.gl-imut aammalu intranetitsinnut imarisanik pilersaarusiorneq tunisassiornerlu
- Ilulissani mittarfiup ammarneqarneranut, pingaarutilinnik angusaqarfiusunut aammalu assigiinngitsunik aaqqissuussinernut atatillugu attaveqaqatigiinnermut suliniutinik pilersaarusiorneq ingerlatsinerlu
- Paasissutissanik katersineq kiisalu attaveqaqatigiinnermut suliniutinik misissueqqissaarineq nalilersuinerlu
Illit pillutit naatsorsuutigut
Naatsorsuutigaarput:
- Attaveqaqatigiinnermut, tusagassiortuunermut imaluunniit assingusumik naleqquttumik ilinniagaqarsimasutit
- Attaveqaqatigiinnermut tusagassiuutinullu sullissinermut misilittagaqartutit aammalu nammineq suliassanik akisussaaffeqarlutit sulinissamut sungiussisimasutit
- Paasissutissat pisariusut ersarissumik, naleqquttumik siunertaqartumillu ingerlatissinnaagitit
- Inuit attaveqaataatigut attaveqaqatigiinneq attaveqaqatigiinnermut suliap ilagilluinnagaanut misilittagaqarfigigit
- Namminersorlutit, aaqqissuussamik sulisinnaasutit aammalu sukkasuumik ingerlatsiviusuni tamakkiisumik isiginnissinnaasutit
- Paasisaqarusuttutit, suliniuteqartartutit aammalu pitsaasunik attaveqaateqarsinnaasutit
- Qallunaatut tuluttullu allattariarsornermi oqalunnermilu piginnaasaqarluartutit, kiisalu kalaallisut oqaaseqarneq kulturilu pillugit paasinninneq ilisimasaqarnerlu iluaqutaassaaq
Neqeroorutigaavut
Greenland Airports-imi suliffeqarfimmi suleqatigiinneq, ineriartortitsineq atugarissaarnerlu qitiutillugit sulialimmi suleqataalissaatit. Suliffik pilersinniarlugu sulivugut, sulisut inuussutissarsiornikkut inuttullu ineriartornissamut periarfissaqarlutik, kiisalu isumassarsiat suliniutillu naleqartinneqarlutik.
Ullut assigiinngisitaartunik suliassartallit, suleqatinik tunniusimasunik qanittumik suleqateqarfiusut aammalu suliffeqarfimmi Kalaallit Nunaata ineriartortinneqarnerani qitiusumik inissisimasumi attaveqaqatigiinnermut sunniuteqarnissamut periarfissat pissarsiarissavatit.
Akissarsiat piginnaasat naapertorlugit immikkut isumaqatigiissutigineqassapput.
Isumannaallisaanikkut akuersissuteqarneq
Suleqatigiinnut ilanngunnissannut isumannaallisaanikkut akuersissummik pisinnaassaatit. Taamaattumik pinerlussimannginnermut uppernarsaat ilanngunneqassaaq, taanna politiinit imaluunniit Sullissivik.gl aqqutigalugu pissarsiarineqarsinnaavoq.
Atorfik attaveqaqatigiinnermut pisortamut nalunaaruteqartussaavoq.
Qinnuteqarnissamut killigititaq
Qinnuteqaatit kingusinnerpaamik 3. juli 2026 nassiuguk.
Ataavartumik oqaloqateqartassaagut aammalu qinnuteqarnissamut killigititaq nallertinnagu atorfinitsitsinissamut pisinnaatitaaffeqarluta. Taamaattumik soqutiginnittut piaartumik qinnuteqarnissaat kaammattuutigaarput.
Paasissutissat annertunerusut
Atorfik pillugu apeqqutissaqaruit attaveqaqatigiinnermut pisortaq Stine Buur Hvistendahl oqarasuaatikkut 53 62 00 imaluunniit e-mailikkut sbh@airports.gl attaveqarfigisinnaavat.
