Suliffik: Greenland Airports – Nuuk Mittarfik / Duty Free-p pisiniarfiutaa
Atorfinitsitsineq: Tamakkiisumik suliffik
Sulilerfissaq: 1. juli
Suliassatit:
- Fakturanik pisiniarnermilu inniminnigassanik aqutsineq
- Nioqqutissanik nutaanik pilersitsineq naatsorsuuserinerlu
- Nioqqutissanik inniminniinermut kiisalu toqqorsivimmik aqutsinermut ilaannakortumik ingerlatsineq
- Tunniussinernik malinnaaneq kiisalu tuniniaasartunik attaveqarneq
- Nalunaarusianik tuniniaanermilu kisitsisinik suliaqarneq
- Pisiniarfiup pisortaanut nalinginnaasumik allaffissornikkut ikiuunneq
- Pisariaqartitsiffimmi sullitanik sullissineq
Piginnaasatit:
AU-mik imaluunniit allaffissornermik ilinniagaqarsimavutit aammalu minnerpaamik ukiuni pingasuni taamatut atorfeqarsimanermik misilittagaqarputit. D365-imik Excel-imillu misilittagaqarneq iluaqutaassaaq.
IT-mut tunngatillugu pitsaasunik piginnaasaqarputit aammalu kalaallisut aamma/imaluunniit danskisut kiisalu tuluttut allattariarsornermi oqalunnermilu piginnaaneqarluarlutit.
- Aalajaatsuusutit eqaatsumillu suleriaaseqartutit
- Inussiarnersutit ammasumillu pissuseqartutit
- Suleriutsinik pitsanngorsaanermik kajumissuseqartoq
- Ikinngutinnersutit naapikkuminartuusutit
- Aaqqissuussaasumik suleriaaseqartutit ulapaarfinnilu tamakkiisumik takunnissinnaallutit
- Suliassanik tulleriiaarisinnaalluartoq
- Namminersorsinnaasoq, akisussaassuseqartoq, tatiginartoq aammalu pissutsinik paasinnissinnaasoq
Isumannaallisaanikkut akuersissut:
Atorfimmut naatsorsuutigineqassaguit isumannaallisaanikkut akuersissummik pisinnaassaatit. Taamaattumik pineqaatissinneqarsimannginnermut uppernarsaat ilanngullugu nassiunneqassaaq. Tamanna najukkami politeeqarfimmi imaluunniit Sullissivik.gl aqqutigalugu pissarsiarineqarsinnaavoq.
Atorfinitsitsinermi atugassarititaasut:
Suliffik pissanganartoq, namminersorfiusoq unammillernartorlu pineqarpoq. Akissarsiat atorfinitsinneqartup piginnaasaasa atorfiullu piumasaqaatai naapertorlugit aalajangersarneqassapput, sulinngiffeqarnerlu maleruagassat atuuttut naapertorlugit katersaqarnikkut atorneqassaaq, taamaattorli sapaatip akunneranik ataatsimik immikkut sulinngiffeqartitsisoqartarpoq. Sapaatip akunneranut suliffissaq tassaavoq akunnerit 40-t.
Kalaallit Nunaanni suliffeqarfimmi patajaatsumi atorfinissaatit, tassani immikkoortortaqarfiit assigiinngitsut akornanni suleqatit amerlasuut qanimut suleqatigilissavatit. Greenland Airports – Mittarfeqarfiit A/S-mi ulluinnarni pissanganartuni allanngorartunilu kiisalu suleqatit pikkorissut, tunniusimasut anguniagaqartullu akornanni peqataalissaatit.
Ineqarneq
Atorfimmut atatillugu sulisut ineqarfiannik innersuussisoqassanngilaq.
Paasissutissat amerlanerit:
Atorfik pillugu apeqqutissaqaruit Duty Free-mi pisortaq Kuuna Lange attavigisinnaavat oqarasuaatikkut +299 38 43 78.
Apeqqutit nalinginnaanerusut HR immikkoortortaqarfimmut mailikkut nassiunneqarsinnaapput: HR@airports.gl
Soqutiginnippit?
Taava qinnuteqaatit, CV-it kiisalu ilinniarsimanermut uppernarsaatit linki ataaniittoq aqqutigalugu kingusinnerpaamik 31. maj 2026 nassiunneqarnissaat qilanaaraarput.
