Kalaallit Airports MIttarfeqarfiit A/S – Kreditorbogholderimik sulisussarsiorpoq
Akiligassaqarfigisanut naatsorsuuserisartutut atorfik kajungernartoq ilinnut neqeroorutigaarput, tassanilu akiligassaqarfigisanik isumaginninnermut tamarmut akisussaaffeqalissaatit. Taamaattumik ullut suliffigisatit ingerlatsinermut ineriartortitsinermullu suliassanik imaqassapput.
Suliassatit:
Mittarfeqarfiit iluani akiligassaqarfimmut immikkoortoqarfiup akiligassat tamaasa aqutarai, akiligassallu piffissami eqqortumi akilerneqarnissaat qularnaartarlugit.
Akiligassaqarfigisanut immikkoortoqarfimmi tunngaviatigut suliassatit ilaatigut tassaapput:
- Akiligassanik isumaginninnermut ingerlatsivimmi Readsoft’imi akiligasanik tamanik uppernarsaanerit
- Akiligassanik akuersissuteqartartumut missingersuummillu akisussaaffeqartunut ingerlatitseqqinnerit
- Akiligassanik akuerisanik akiliinerit
- Akiligassaqarfinnut naligiissaarinerit, tamatigoortumillu malittarinnitsitsinerit
- Aningaasaqarnermut modulimut akiligassaqarfinnut modulip naligiissaarnera
- Akiligassaqarfigisanut suleqatigiinnut saaffiginnissutinik sunilluunniit akissuteqartarnerit.
Piginnaasatit:
AU-mik imaluunniit allaffimmi ilinniarsimasuuvutit, atorfimmillu assingusumit minnerpaamik ukiunik pingasunik misilittagaqarlutit. Readsoft’imik, AX2012-imik imaluunniit D365-imik, allanilluunniit aningaasaqarnermik aqutsinermut aaqqissuussiffinnik, aamma Officep katersaataanik misilittagaqassaguit iluaqutaassaaq.
IT-mik piginnaaneqarluartuuvutit, kiisalu oqaluttariarsornikkut allattariarsornikkullu kalaallisut aamma/imaluunniit danskisut tuluttullu oqallorissuullutit, kiisalu tassaavutit:
- Aalajaatsuullutillu sungiussiasoq
- Inussiarnersoq
- Suleriaatsinik pitsaanerpaanngorsaasarneq ilinnut piumassuseqartitsisuuvoq
- Inussiarnerlutillu naapikkuminartuuvutit
- Suliassanik pingaarnersiuillaqqissuuvutit
- Namminersuutiginnittartuuvutit, akisussaaffimmik tigusinnissinnaasuuvutit, ileqqorissuuvutit pisoqarfinnillu paasinnillaqqissuullutit.
Isumannaallisaanikkut akuerisaaneq:
Atorfinittussatut naatsorsuutigineqassaguit isumannaallisaanikkut akuerisaasariaqarputit. Taamaattumik pilerluttulerinermut nalunaarsuisarfimmit naqitaq ilanngullugu nassiuguk. Taanna sumiiffigisami politiinit imaluunniit sullissivik.gl-imi pissarsiarineqarsinnaavoq.
Atorfinitsitaanermi atugarisat:
Pineqartoq tassaavoq suliffik pissanganartoq, namminersorfigisaq tamaviaartitsisorlu. Sulisartut kattuffiannut attuumassutilimmut aningaasarsiat atorfininnermullu pissutsit pissapput. Sulinerup nalaa tassaavoq sap. akunneranut nal. akunneri 40.
Kalaallit Nunaanni suliffeqarfimmi inissilluarsimasumi atorfimmik soqutiginarlunilu tamaviaarfiusumik neqeroorfigineqarputit, tassanilu suliffimmi immikkoortoqarfinni amerlasuuni suleqatit sinnerinik siamasissumik attaveqarfeqassaatit. Mittarfeqarfiit iluani ulluni suliffiusuni pissanganarlunilu savituumi peqataalissaatit, suleqatigiit angusaqarniartut, pikkorissut pimoorussisullu ilagilissallugit.
Ineqarneq
Atorfimmut inissamik innersuussisoqanngilaq.
Annermik paasisaqarit:
Atorfimmut apeqqutissaqaruit naatsorsuuserinermut pisortamut Nukaaraq L. Kristensen-mut attaveqarnissannut tikilluaqqusaavutit, oqarasuaatikkut +299 38 43 67. Apeqqutit nalinginnaanerusut HR-imik immikkoortoqarfimmut saaffiginnissutaassapput, mailikkut: HR@mit.gl
Soqutigaajuk?
Taava kingusinnerpaamik ull. 26. Maaji 2024-mi ataani linki aqqutigalugu qinnuteqaativit, CV-p, kiisalu ilinniagaqarnermut uppernarsaatit tigunissaat qilanaarutigaagut.
MALUGIUK: Mailikkut qinnuteqaatit tiguneq ajorpagut. Taamaattumik mailikkut nassiussatut qinnuteqaatit naatsorsuutigineqassanngillat.
