Terminalarbejderitut imaluunniit arlaannik assassornermut tunngasumik ilinniagaqarpit ulluinnarnilu silaannarissuaq iluarusuutigiutaa pitsaasunik suliaqarneq ataqqinaatigerusuttarpiuk?
Taava immaqa Mittarfik Ilulissani terminalarbejderitut atorfik ilinnut tulluuppoq.
Suliassat:
Pissanganartunik assigiinngiiaartunillu suliassaqassaatit ullullu tamarmik assigiinngitsunik pisoqarfiusarput. Ilaatigut makkuninnga suliaqassaatit:
- Timmisartunik isumaginninneq – timmisartunik usilersuineq aamma usingiaaneq
- Sillimaniarniarnikkut suliaqarneq (security)
- Qatserineq, annaasisniarneq kiisalu imaani annaassiniarneq
- Mittarfimmi atortunik iluarsaassineq aamma aserfallatsaaliuineq
- Suliassat takkussuuttut allat
Piginnaasat:
Terminalarbejderitut assassornermulluunniit tunngasumik ilinniarsimasuunissat, suliartortuaannarnissat, takujuminartuunissat kiffartuussillaqqissuunissallu naatsorsuutigaarput. Taakkua saniatigut atorfimmi uku piumasaqaataapput;
- Kalaallisut oqaaseqartuunissaq, aammalu danskisut tuluttullu
- Pitsaasumik peqqissuseqarnissaq
- Angisuunut Biilersinnaanermut truckinillu ingerlatitsisinnaanermut allagartaqarneq
- Ilakkuminartuuneq, eqaatsumik pissuseqarneq mianersortuunerlu
Mittarfeqarfiit neqeroorutigaa:
Atorfik piffissamik tamakkiisoq pissanganartoq, unamminartoq kiisalu ineriartoqqinnissamut periarfissiisoq. Suleqatigiit marlunnut avitaapput, ikiuiumatuujullutillu, illarumatuujupput suleqatigiilluarnissamillu pingaartitsisuullutik. Suliffigilerumaagassat avatangiiserissumiippoq suliffeqarfiullunilu pissanganartoq ineriartupiloornerup qeqqaniittoq.
Sillimaniarnikkut akuerineqarnissaq:
Atorfimmut piukkunneqassaguit malittarisassat naapertorlugit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq.
Atorfinitsitaanermi atugassarititaasut:
Atorfininnissaq SIK-p isumaqatigiissutaa naapertorlugu isumaqatigiissuteqarnikkut ukunannga ilaatigut imaqartussamik pissaaq. Piffissaq suliffiusussaq sapaatip akunneranut nalunaaquttap akunnerinik 40-nik sivisussusilik.
Una atorfik inissaateqanngilaq.
Atorfinitsitsinissap ullua 1.maj 2026 isumaqatigiissuteqarnikkulluunniit.
Paasisaqaqqikkusukkuit:
Allanik paasiniaarusukkuit atorfimmulluunniit tunngasunik apeqqutissaqaruit Driftsleder Marius Møller attavigisinnaavat oqarasuaatikkut +299 53 78 43 imaluunniit mailikkut mml@airports.gl.
Paaserusutat naliginnaanerusut sulisoqarnikkut qullersaqarfimmut paasiniarneqarsinnaapput uunga allalluni hr@airports.gl
Greenland Airports A/S nittartagaat aamma nammineerlutit alakkarsinnaavat uunga iserlutit www.airports.gl
Soqutiginnippit?
Soqutiginnikkuit qinnuteqaativit tigunissaa qilanaaraarput, ilinniarsimasarnut allagartatit uppernarsaatitit kingusinnerpaamik 1. maj 2026 ataani iserfissamut iseriarlutit nassiutikkit.
Erseqqissaassutigissavarput qinnuteqaatit mailikkut tiguneq ajoratsigit.
