Nunat tamalaat akornanni suliffimmi pissanganartumi avatagiiseqarlutit ineriartorluarfiusinnaasumilu sulilerusuppit? Kalaallit Nunaanni nunat tamalaat akornanni mittarfiup tulliata ammarnissaanut peqataarusuppit? Taava immaqa illit, Ilulissani nunat tamalaat akornanni mittarfimmi Isumannaallisaanermut suleqatissaraatsigit.
Isumannaatsuunissaq mittarfeqarfimmi pingaarutilittut inissisimavoq, taamaattumik Greenland Airports-imiik ilinniartinneqassaatit Isumannaallisaanermut sulisut nunat tamalaat akornani qaffasissumik malittarisassanik ilisimasaqarniassammata. Taamaattumik uatsinnut pingaaruteqarpoq sulinerni aallartinnginnerni piareersarluarneqarnissat.
Isumannaallisaanermut sulisutut mittarfimmi pingaarutilittut inissisimassaatit. Suliffimmi takunnissinnaalluassuseqarnissaq qaffasissumik pingaaruteqarpoq. Pingaartitatsinnut ilaavoq angalasunut inussiarnersuunissaq Isumannaallisaavikkoorneq toqqissimanartumik misigineqartarniassammat.
Suleqatigiinnut nukittuunut ilanngutissaatit aammalu pisut aallaavigalugit eqqissisimasumik sulineq ilinniassallugu, takunnissinnaassuseqarneq eqqissisimasumillu sulineq aalajangiisuusarput.
Kinaavit – kina ujarparput?
Piumassuseqartuuvutit, alapernaatsuullutit, sulerusussuseqarlutit sammisamullu ilinniarusussuseqartuullutit. Sulianut tunngatillugu piginnaasat qaffassartuarnissaat – inatsisit, maleruagassat, atortorissaarutillu nutaat. Taamaattumik pikkorissaqqinerit pissanganartut aammalu sulinermi pisut misilittakkanut qaffassaataassapput. Aammalu nikerartumik sulisarnissat piareersimaffigissavat aammalu nakkutinginnissinnaassuseqassaatit, ullut ulapaarfiit ilanngullugit.
Isumannaallisaanermut nakkutilliisutut ilinniartitaaneq pillugu:
Isumannaallisaanermut suliat pillugit sulillutit aallartinnginninni ilinniartinneqassaatit soorlu:
• Mittarfeqarfiup iluanut isersinnaatitaalernissaq
- Nassatanik nassiussanillu misissuineq scannerinerlu
- Angalasunik misissuineq (timisiuineq)
- Pingaartuuneq aamma nakkutilliineq
- Scanner-inermi atortunik ulorianarsinnaasunik suussusersineq
- Politinik, Ilanngaaserisunik angallannermullu aqutsisoqarfimmik suleqateqarnerit
Naatsorsuutigaarput illit:
- Politiiniik isumannaallisaanermut akuersissummik pisinnaasutit
- Qalipaatinik aaliangersimasunik takunnissinnaanngitsuussanngitsutit & Biilersinnaanermut naliginnaasumik allagartaqartutit
- Minnerpaamik oqaatsinik marlunnik oqalussinnaasutit neriuutigaarput Kalaallisut, Qallunaatut, Tuluttut imaluunniit oqaatsinik allanik
- Tatiginartuusutit, ilinniarussuseqartutit, akisussaassuseqartutit takunnissinnaassuseqartutillu
- Minnerpaamik ukiuni pingasuni sulinermik misilittagaqartutit imaluunniit ilinniagaqartutit
Neqeroorutigaavut:
- Ilinniartinneqarnerup nalaani akissarsiaqartitaaneq.
- Ilinniartinneqareernerup kingorna suliffimmik qulakkeerinninneq, malittarisassat malillugit atorfinitsinneqarneq.
- Ilinniarnerup ilaa Nuummi ingerlanneqassaaq, taamaattumik angalasarnissat naatsorsuutigissavat.
- Ilinniaqqinnissamut periarfissat aammalu sukumiinerusumik aaliangersimasunut Isumannaallisaanermut tunngasunik pikkorissaqqinnerit, taamaalillutit inerartoqqinnissamut periarfissaqassaatit.
- Suliffeqarfik namminersorfiulluartoq, suleqatit pitsaasut nuannersumik pissuseqarneq ulluinnarni pingaartinneqartoq.
- Suliffeqarfik ineriartortuartoq isumannaatsoq ikioqatigiinnerlu.
Atorfimmut tunngatillugu inissaqartitsisoqanngilaq.
Isumannaallisaanikkut akuerisaaneq:
Atorfinitsitaaniaraanni malittarisassiat atuuttut malillugit politiiniit isumannaallisaanikkut akuerisaasinnaanissat piumasaqaataavoq. Ilinnut tunngasutut pinerluttulerinermut nalunaarsuiffimmit naqitap muminga ilanngullugu nassiutissavat. Taanna najugarisami politeeqarfimmi sullissivik.gl-imilu pissarsiarisinnaavat.
Paasissutissanik amerlanerusunik perusukkuit Isumannaallisaanermut pisortaq Lis Asmussen attavigissavat uunga mail: lias@airports.gl imaluunniit oqarasuaat 55 78 51
Apeqqutit sukumiinerusut immikkoortortamut HR-imut apeqqutigineqarsinnaapput uunga mail: hr@airports.gl
Soqutiginnippit?
Isumannaallisaanermut suleqatigiinnut suleqataalerusukkuit qinnuteqaativit tigunissaanut qilanaarpugut, CV Ilinniarsimanermullu uppernarsaatit ilanngullugit nassiutikkit ataani link tuungassaq toorlugu kingusinnerpaamik 24. marts 2026. Naatsorsuutigineqarpoq atorfininneq 1.maj 2026 pissasoq.
