Brand & Redning (BOR) aammalu Marktjeneste-mi akisussaasoq – Piffissami killilimmi
Kalaallit Nunaanni mittarfinni tulliuttuni nutaani Brand & Redning aammalu Marktjeneste-mi siuttoorusuppit? Sillimaniarnermut, aqutsinermut ingerlatsinermullu misilittagaqarpit? – Aammalu naqqaniit nutaanik pilersitsinissamik soqutigisaqarpit? Taava pissanganartumik piffissami killillimmi Greenland Airports-imi periarfissaateqarpugut.
Brand & Redning (BOR) aammalu Marktjeneste-mi suliniutit aallartisarnissaanut akisussaasumik pissarsiorpugut, mittarfiit atulernissaannut suliniutit aallartisarnerannut siuttutut inissisimassaatit,
Atorfik pillungu:
BOR aammalu Marktjeneste-mi akisussaasutut suliffeqarfiup Ikuallattoornissamut annaassiniarnissamut mittarfiullu iluani (Brand & Redning og marktjeneste) ineriartortinnissaa pilersinnissaalu akisussaaffigissavat.
Atorfik killillimmik piffissalingaavoq, pilersaarutit suliassallu aallartisarneqarnerani aammalu mittarfiit atuutilernerisa kingornata tungaanut.
Suliassannut ilaapput:
- Sumi tamani ikuallattoorrnissamut annaassiniarnermullu sillimaniarnermut (BOR) akisussaasuuneq.
- BOR aaqqissuussap ineriartortinnera, ilusilersornera aaqqissuunneralu.
- Marktjeneste-mut, sumiiffinnilu mittarfeqarfiup iluani ingerlatsinermut attuumassuteqartunut akisussaasuuneq.
- BOR-imi, Marktjeneste-mi allanullu ingerlatsinermut taakkununnga attuumassuteqartunut atorfiit inuttalingassat pilersaarusiorneri.
- Ingerlatsinermut, malittarisassanut, allakkianullu uppernarsaatinut pilersitsineq – mittarfiullu atulernissaanut pisortaniik akuersissutinik pisinnaanissamut suliaqarneq.
- Naatsorsuusiorneq,aningaasaqarnermut pilersaarusiorneq aammalu malinnaaneq.
Naatsorsuutigaarput illit:
- Qatserisartoqarnermut sillimaniarnermut assingisaannilluunniit ilinniagaqartutit.
- Ingerlatsinermut, sillimaniarnermut-/ sumiiffinnik annertuunik iluarsartuussinermut misilittagaqarluartutit, soorlu mittarfinnik imaluunniit tassunga assingusunik.
- Aqutsinermik misilittagaqartutit, aaqqissuulluakkamik namminersorlutillu suliaqarluarsinnaasutit.
- Akisussaassuseqarluartuusutit, suliassanut aallartitsilluarnissamut iliuuseqallaqqitsuusutit.
- Biilernermut allagartaq kategori B, C, D, BE, CE aammalu DE.
- Tuluttut oqaatsinik atuisinnaallutillu paasinnilluarsinnaasutit – kissaatiginassaaq Kalaallisut qallunaatullu aamma oqalussinnaasutit.
Atorfinissaguit piumasaqaataavoq isumannaallisaanermut akuersissuteqarnissat qaffasissuseq ”kiffartuussisinnaanermut atungassaq” (niveau tjenestebrug).
Neqeroorutigaavut:
- Kalaallit Nunaanni angallannermi suliniutit annersaasa ilaanni qitiusumik akisussaassuseqarluartumillu inissisimaneq.
- Ulluinnaat assigiinngisaannartut pissanganartut ineriartorfiusorlu.
- Mittarfiit nutaat sanaartorneqarneranni suliani piginnaanngorsarnissamut ilisimasanik qaffassaaneq.
- Atorfininnermi malittarisassat malillugit akissarsiaqartitaaneq imaluunniit misilittakkat aallaavingalugit.
- Avatagiisit ataqatigiilluinnarfiusut ilisimasaqarluartunillu suleqatigiinneq.
Qinnuteqarneq:
Atorfik pillugu apeqqutissaqaruit, pilersaarusiornermut pisortaq Sivert Olsen attaveqarfiginissaanut tikilluaqqusaavutit uunga mail: sivo@airports.gl imaluunniit oqarasuaat: +299 38 18 09
Apeqqutit sukumiinerusut uunga nassiunneqassapput: hr@airports.gl
Qinnuteqaatit CV ilanngullugu ataani link toorlugu nassiunneqassapput, kingusinnerpaamik ulloq 02-03-3026
Tusarfiginissat qilanaaraarput.
MALUGIUK!! Qinnuteqaatit mail-ikkut nassiussat tiguneq ajorpagut.
