Greenland Airports qullersaqarfimmi Nuummiittumi, pisiniarnermut immikkoortortaqarfiani allaffimmi sullissilluarusussuseqartumik, piumassuseqartumillu ullup ilaa sulisarsinnaasumik ilinniartumik ikiortimik pissarsiorpoq, ulluinnarni suliassanik assigiinngitsunik suliaqarsinnaasumik. Suliffik ullup ilaannaa suliffiuvoq minnerpaamik sap.akunneranut 10 tiimit suliffiusassallutik.
Ulluinnarni suliassani aporfiit assigiinngitsut nangaassuteqarnak suliarisinnaassavatit, suliassanullu tunngasunik nalornissuteqaruit toqqaannaq aperisinnaassuseqartassallutit.
Pisiniarnermik immikkoortortaqarfik pillugu:
Pisiniarnermik immikkoortortaqarfiup suliffeqarfiup immikkoortortaqarfii tamaasa sullitarivai, atorfissaqartitaannik pitsaasunik peqartuaannarnissaat isumangisaralungu.
Nuummi immikkoortortaqarfitsinni suleqatigiinnermut eqaatsumut pitsaasumillu suleriuseqartunut ilaalissaatit, immikkoortortaqarfimmilu pisortaq qanimut suleqatigisassavat.
Suleriutsinik system-inillu suliarisartangassannik ilinniartinneqassaatit.
Suliassat:
- Allaffimmi suliassat assigiinngitsut
- Paasissutissanik nalunaarsuineq aammalu paasissutissanik nutarterineq
- Pisiniartarnermut aningaasaqarnermullu immikkoortortani suliassanik ikiuunneq
- Piumasaqaatit malillugit suliassat allat
Illit pillutit:
- Ilinniartuuvutit, ilinniarnerpillu saniatigut sulerusussuseqarlutit
- Aaqqissuulluakkamik akisussaassuseqartumik suleriuseqartutit
- Allaffissornermut suliassanik ilisimasaqarluartutit
- Qarasaasiamut naliginnaasumik atuisinnaassasutit
Neqeroorutingaavut:
- Saniatigooralugu suliffik suleqatillu pitsaasut
- Suleriutsinik systeminillu atukkatsinnik ilinniartinneqarneq
- Allaffissornikkut suliassanik suliassaqarfiillu pillugit ilinniartinneqarneq
Isumannaallisaanermut akuersissut:
Suliffeqarfitsinni sulisinnaajumallutit isumannaallisaanermik akuersissummik peqartariaqarputit.
Taamaattumik pinerluuteqarsimannginnermut uppernarsaat ilanngullungu nassiutissavat. Uppernarsaat najukkami Politeeqarfimmi imaluunniit www.sullissivik.gl piniarsinnaavat.
Imatut qinnuteqarsinnaavutit:
CV aammalu ilinniarsimanermut uppernarsaatit ilanngullugit qinnuteqaatit nassiuguk ataani link tuugassaq toorlungu. Qinnuteqaatit ataavartumik misissorneqassapput, sulilertussap piukkunnartup nassaarinissaata tungaanut, immaqa illiuvoq?
Qinnuteqarfissaq ulloq kingulleq tassaavoq 15. februar 2026.
Paasisaqarnerorusukkuit:
Suliffik pillugu paasisaqarnerorusukkuit, apeqqutissaqaruilluunniit Pisiniartarnermut immikkoortortaqarfimmi pisortaq Charlie Reiding attaviginissaanut tikilluaqqusaavutit oqarasuaat: +299 38 43 34 imaluunniit mail: chre@airports.gl
Sukumiinerusunik apeqqutissaqaruit HR immikkoortortaqarfik attavigisinnaavat mail: hr@airports.gl
Mailikkut suliffissarsiorluni qinnuteqaatit tingusanngilagut.
