Suliffimmik pissanganartumik ulapaarfiusumik nunarsuarmioqataanermullu tunngasumik suliffittaarusuppit?
Timmisartoqarfimmi terminalarbejderutut ilinniarsimasuuit imaluunniit qatserisartutut GUI/FUI ilinniagaqarfigaajuk? Ulluinnarni aammalu sulinermi kusanartumik ataqqinnittumillu suliat naammassilluarnissai pingaartitaraagit? Pinngortitaq silaannarissuarlu nuannarisaraagit? Taamaappat una suliffik Kangerlussuarmi mittarfeqarfimmi ilinnut tulluussimassaaq!
Mittarfeqarfiit Kangerlussuaq mittarfiat siunissami suli timmisartoqarfittut atuutissaaq, timmisartorsuarnut aammalu immikkut ittunik angallassisunut aqqusaarfiusassalluni.
Suliassatit:
Pissanganartunik allanngorartunillu suliassaqartassaatit, ullullu tamarmik assigiinneq ajorput. Assersuutigalugu uku suliarisinnaassavatit:
- Flyhandling – timmisartumut issoraanerit niooraanerillu aammalu Marshall
- Timmisartoqarfimmi aputaajaanerit, iluarsartuussinerit aammalu aserfallatsaaliineq il.il.
- Ikuallattuulernermi ajutoortoqarneranilu annaassiniaaneq
- Pinasuartoqartillugu ambulancenik angallassineq nunaqarfinnut
- Isumannaallisaanermut ilinniagaq neqeroorutaavoq
- Tunngaviusumik ilinniagaqanngikkuit Grunduddannelse fly aamma Brandmand fly, ilinniagaqarfigilernissaanut ikiussavatsigit.
- Suliassallu assigiinngitsorpassuit takkussinnaasut allat
Pisinnaasat (Kvalifikationer):
Naatsorsuutigaarput 100% suliartullammaassasutit, tunniusimasoq aammalu sullissilluarusuttoq. Taakkulu saniatigut uku piumasaqaataaput:
- Maskiinanik suliaqarneq misilittagaqarfigissavat Sweeper, Gummiged, lastbiilillu.
- Mittarfimmi suleriutsinut ilisimasaqassaatit
- Ikuallattoornermi annaassiniaanermilu ilisimasaqassaatit
- Kalaallisut oqalussinnaassaatit aamma torrassaqaaq qallunaatoorsinnaaguit piumasaqaataanngilarli.
- Peqqissuussaatit
- Kørekort angineq pigissavat
- Pinerlussimannginnermut uppernarsaat ajunngitsoq uppernarsassavat
Mittarfeqarfiit neqeroorutai ukuupput:
Suliffik pissanganartoq ineriartortorlu, sulisunut atugarissaarnissamut pingaartitsisoq aammalu suleqatigiilluarnissamik suliniuteqartoq. Suleqatigiit team 4 ISL aammalu 12-14 suleqatigilissavatit, ikioqatigiillaqqissut aammali nammineq suliaminnik ukkatarinnillaqqissut pisariaqartillugu.
Atorfininnermi atugassarititat: Atorfininneq SIK overenskomst qaammammusiaat malillugit pissapput, soorlu makku ilaallutik;
- Ineqqarneq inatsisit atuuttut malillugit
- Angalaneq (Frirejse) inatsisit atuuttut malillugit, ukiumut ataasiarluni angalaneq qaammatit 12 sulereersimaleraanni.
- Suliffik sapaatip akunneranut 40 tiiminik suliffiuvoq, aammalu ullaakkut, ullukkut unnukkullu nikerartumik suliffiusarpoq, ilaatigut weekendtini sulisoqarsinnaasassalluni.
Atorfininneq qaqugu pissanersoq isumaqatigiissutigineqassaaq.
Isumannaallisaanermut akuersissut:
Uani atorfininniaruit isumannaallisaanermut akuerisaasinnaanissat qulakkeeqqassaaq, timmisartoqarfinni isumannaallisaanermut inatsisit malillugit akuerisaaqqaarluni atorfinittoqarsinnaavoq sillimanierneq pillugu. Taamaammat taanna nassiunneqassaaq. www.sullissivik.gl-imi aaneqarsinnaavoq uppernarsaat.
Paasisaqarnerugit:
Atorfimmut tunngasumik paasisaqarnerorusukkuit imaluunniit apeqqutissaqaruit, tikilluaqqusaangaarputit tutsiunnissamut. Ingerlatsinermut aqutsisoq Jens Steenholt-Sørensen attavigisinnaavat oqarasuaat +299 52 42 09 imaluunniit emal jeso@airports.gl Apeqqutit allaffissornermut inatsisinullu tunngasut uunga apeqqutigineqarsinnaapput hr@airports.gl
Qinnuteqaat:
Atorfinittussatut qinnuteqarniaruit qinnuteqaatit, CV aammalu ilinniagaqarnermut uppernarsaatit link aqqutigalugu nassiutissavatit.
Mittarfeqarfiit, Grønlands Lufthavne, mittarfiit 13-nit ingerlappaat aammalu helipadsit 43 kalaallit nunaanni inissisimasut. Suliat 60.000-it ingerlattarpagut (start og landing) qangattarnerit aammalu minnerit. Inuillu 350.000 missiliorlugit sullittarlutigit ukiumut. Sulisut katillugit 450 missaaniipput, taamaattumik aamma Kalaallit Nunatsinni suliffeqarfiit annerpaat ilaattut inissisimavugut, ineriartornissarpullu pingaartillugu. Suliffeqarfimmittaaq pingaartipparput ilinniaqqinnerit aammalu ineriartornissamut tunngasunik periarfissiinerit, tamakkumi qulakkeerinneqataammata inuiaqatigiinnut nuannersumik sunniutilinnik.
