Suliffissat.gl-ip sullitani Arssarnerit A/S suliffimmut sullissinermut tunngasumik immikkoortortamut Nuummiittumut pikkorisumik sullissinermik ilisimasaqarluartumik elektrikerimik pissarsiorpoq.
Sulisut akornanni pingaarutilimmik inissisimassaatit – suliffeqarfiup avammut sullitaminut kiinnertarneranut takussutissaalluarlutit kiisalu suliffeqarfiup siuarsaanera peqataaffigissavat. Illit akisussaaffigissavat sullissinermut tunngatillugu suliassat assigiinngitsorpassuit, sullitarisartakkatsinnullu sullissineq toqqaannartumik suliarissallugu. Suliatigut aaqqissuussaasumik sullarissuuneq, attaveqarluarnissamut piginnaaneqarluartoq pitsaasumillu kiffartuussinissamik pingaartitsisuullutillu inussiarnersuusutit.
Arssarnerit A/S pillugu
Arssarnerit A/S tassaavoq nunatsinni innaallagisserinermik aammalu installationinik suliaqarluni ukiorpassuarni ingerlasimasoq. Qaffasissumik pitsaassuseq, sullissineq aammalu suliaqarnermi piginnaaneq tunngavigalugit ingerlatsineq pingaartipparput. Suleqatigiinneq, ineriartortitsineq kiisalu sulisunik atugarissaartitsineq pingaartitaraagut – suliffeqarfiup iluani kiisalu sullittakkatsinnik kiffartuussinermi.
Suliassatit tassaapput:
- Ulluinnarni sullissinermik suliassat aammalu saniatigut pilersaarusiamik suliassat annikinnerusut
- Sullittakkatsinnut attaveqarneq aammalu suliffeqarfik pitsaalluinnartumik avammut nittarsaallugu
- Suliassanik ingerlatitsinermi kiisalu suleqatigisat akornanni suleqatigiinnermi ingerlatsineq
Ilinnut naatsorsuutigisagut:
- Elektrikeritut ilinniagaqarsimasoq misilittagaqarluartorlu
- Namminersorlutit suliaqarsinnaasutit suleqateqarnissamullu piginnaasaqarluartoq
- Siammasissumik takunnissinnaassuseqarlutillu sullarissuusutit piumasaqarfigilluarneqarsinnaallutit, ulapaarfiungaluartumiluunniit
- Naapikkuminartuusutit, kiffartuussinnaasutit aammalu pisussaaffeqarsinnaallutit
- Ersarissumik attaveqartartoq aammalu inussiarnersumik pissuseqartartoq
Neqeroorutigaarput:
- Suliatigut assigiinngitsutigut suliffik pissanganartoq aammalu suliffeqarfik tatiginartoq
- Suleqatit piginnaaneqarluartullu peqatigalugit suleqatigiinnermut ammasumik tunngaveqartumik suliffik
- Qinnuteqartut piginnaasai naapertorlugit akissarsiat
- Pikkorissarnerit ilinniaqqinnerillu atorfimmut tunngassuteqartut isumaqatigiissuteqarnikkut ingerlanneqarsinnaapput
- Ineeqqamik najugaqarnissamut periarfissaq, isumaqatigiissutigineqartut naapertorlugit
- Sulinngiffeqarnermi ukiumut ataasiarluni angalanissamut akiliunneqarluni angalasinnaaneq
- Atorfeqartitaanermi atungassarititaasut pitsaasut sulisullu atugarissaarnissaat qitiutillugu ingerlatsineq
- Napparsimanermi aningaasarsiat isumaqatigiissutit naapertorlugit
- Peqqinnissamut pillugu sillimmateqarneq isumaqatigiissutit naapertorlugit
Atorfimmut soqutiginnippit?
Taava tusarfiginissat qilanaarilereerparput! Qinnuteqarnissat tikilluaqqulereerparput, qinnuteqaasiornermilu CV ilinniarsimanermut pikkorissarsimanermullu pappilissat atorfimmut tulluartut ilanngullugit link-ikkut nassiunneqassapput.
Atorfimmut tunngatillugu apeqqutissaqaruit, immikkoortortamik pisortaq Søren Pedersen attavigisinnaavat, oqarasuaatikkut: +299 322111 imaluunniit mailikkut sp@arssarnerit.gl
Sulisussarsiuussineq Suliffissat.gl-mit ingerlanneqarpoq
Attaveqarfissat: Suliffissat.gl piginnittoq Johannes Qvist-Markussen oqarasuaat. +299 532235 / +45 42532235 imaluunniit mail: jqm@suliffissat.gl, web: www.suliffissat.gl
