Kalaallit Nunaata nunat tamalaanut mittarfittaavani isumannaallisaanermi pingaarutilimmik inissisimarusuppit?
Security iluani ilinniarsimallutit suliffivit qaffakkiartornissaanut piareersimavit? Ilulissani nunat tamalaanut mittarfittaami isumannaallisaanermi suliaqarnermi ulluinnarni aqutsisoq peqatigalugu pilersitseqataallutillu ineriartortitseqataarusuppit? Taamaappat illiusinnaavoq Security-mi nakkutilliisutut ujartugarisarput.
Atorfik pilllugu:
Security-mi aqutsisutut ulluinnarni securityteamip aqunnissaanut akisussaaffeqassaatit, tassunga sulisut allat mittarfimmilu isumannaallisaanermik suliallit nakkutiginissaat ilaavoq. Isumannaallisaanermut ingerlaatsit nunap iluani nunat tamalaanilu tamarmiusut malinneqarnerinut pingaarutilittut isumannaarisassaatit.
Ilulissani nunat tamalaanut mittarfittaap ammarnissaa naatsorsuutigineqarpoq 2026-ip naggataani, illillu maanna mittarfiup ingerlanneqarnerani qitiusumik inissisimallutit nutaamut ikaarsaariartulissaatit. Ulluinnarni isumannaallisaanerup iluani suliaqarfigisartakkavit mittarfittaamut nutaaliaasumut nunat tamalaanut saatinneqartussaanera periarfissatsialaavoq – tamanna aallaqqaataaniilli pissaaq.
Suliassatit pingaarnerit:
Ulluinnarni aqutsisoq kiisalu mittarfimmi aqutsisoq suleqatigilissavatit. Ataatsimut isumannaallisaanerup iluani sulisut naammallutillu naleqquttumik ilinniagaqarsimanissaannut isumannaarissaasi. Taassumap saniatigut akisussaaffigissavatittaaq:
- Pitsaassutsimik isumannaarineq
- Ilulissani mittarfimmi isumannaallisaanermik isumannaarineq, taassumap ilaatigut ilaasut nassataasalu screeningerneri
- Ulluinnarni aqutsisoq peqatigalugu isumaqatigiinnikkut namminerisamik akisussaaffigisassat
Pisinnaasat:
Nakkutilliisutut security-mi ilinniagaqarsimassaatit, isumannaallisaanermi minnerpaamik malittarisassat atuuttut malillugit akuersissuteqarfiginissaa piumasarineqarpoq, aammalu atorfeqarnerup ingerlanera tamaat security-mi piumasaqaataasutut ilinniagassaasut angusiffigisassallugit. Silaannakkut angallassinerup iluani misilittagaqarnissat naatsorsuutigaarput, piumasaqaataanngilarli. Taakku saniatigut naatsorsuutigaarput:
- Kalaallisut tuluttullu pisinnaassagitit
- Danskisut oqaatsit qaffasissumik atorsinnaassagitit
- Qalipaatinik takunnissinnaanngitsuussanngilatit
- Ingerlatsisinnaanermut allagartaqartuunissat
- UIapaarfinni tamakkiisumik isiginnissinnaanissat
- Sullissisinnaassuseqarlunilu qungujulaartuunissat
Greenland Airportsip neqeroorutigai:
- Suliffik pissanganartoq aammalu ineriartornerup oqaluttuarisaanerani pingaarutilimmik inissisimaneq
- Securityteamimik sanngisuumik pilersitsisinnaallunilu aqutsisinnaaneq
- Avatagiisitigut issittormiuulluni nikerartumi, nunarsuarmi avatangiisiginnerpaarpasittumi ulluinnaqarneq
- Suleqatigiinneq ataatsimoorluarfiusoq, tassani ikiuussinnaassuseq aamma peqataasitsineq pingaartinneqartuusut
- Akissaatit sulinermilu atukkat pillugit isumaqatigiissummiittut malillugit akissarsiaqarneq atugassaqarnerlu
Annerusumut peqataagit:
Greenland Airportsip iluani Kalaallit Nunaata ineriartorneranut tapersiinerput tulluusimaarutigaarput – nunallu akimut inuinit sumiiffinnillu atatitsinerput ilanngullugu. Maani suliffik kisimi pinnagu akisussaaffimmilli tiguseqataanissamut, nutaamik eqqarsarnissamut ulluinnarnilu allanngueqataanissamut periarfissaqassaatit.
Patajaatsumik, ikiuerusussusilimmik malunniutilimmillu sulisuuvugut – tikilluaqqunissallu qilanaaraarput.
Qinnuteqarneq aamma attavissaq:
Qinnuteqaatit aamma CV iserfissaq atorlugu kingusinnerpaamik 18. juli 2025 nassiunneqassapput.
Atorfik pillugu apeqqutissaqarnermi Ilulissani Mittarfimmi aqutsisup, Ole Damgaardip olda@airport.gl -mut attaviginissaanut tikilluaqqusaavutit.
Naliginnaasunik apeqqutissaqarnermi uunga allassinnaavutit hr@airports.gl
